ދިވެހިތާރީޚުގައި ރަސްމީކޮށް ފުރަތަމަ ފަހަރަށް އުފައްދާ ޢިލްމުވެރިންގެ މަޖްލިސް ކަމުގައިވާ ދިވެހިރާއްޖޭގެ ފިޤުހު އެކަޑަމީ ދިވެހިރާއްޖޭގެ ރައީސުލްޖުމުހޫރިއްޔާ މުޙައްމަދު ނަޝީދު ހުޅުއްވައިދެއްވައިފިއެވެ. މިރަސްމިއްޔާތު އޮތީ އިސްލާމީ މަރުކަޒުގެ ޖަލްސާކުރާ މާލަމުގައެވެ.

ފިޤުހު އެކަޑަމީ ހިންގުމުގެ ޤަވާޢި ފިޤުހު އެކަޑަމީގެ ބޯޑުން ފާސްކޮށްފިއެވެ. މި ބައްދަލުވުން އޮތީ އިސްލާމީ މަރުކަޒުގެ ސެމިނަރ ރޫމްގައެވެ.

ފިޤުހު އެކަޑަމީ އަކީ ދިވެހިރާއްޖޭގެ ރައްޔިތުންނަށް ބޭނުންވާ ދީނީ އަސާސީ މަޢްލޫމާތު ފޯރުކޮށްދިނުމަށްޓަކައި އުފައްދާފައިވާ މުއައްސާއެއްކަމުން މި މުއައްސަސާގައި ދެޖިންސުގެ ޤާބިލް މީހުން ތިބުމަކީ މުހިންމުކަމެއްކަމުގައި ދެކިގެން މިނިސްޓްރީ އޮފް އިސްލާމިކް އެފެއާރޒް އިން ވަނީ އެކަޑަމީގެ އެޑްވައިޒަރީ ބޯޑަށް ދެ އަންހެންބޭފުޅަކު ޢައްޔަންކޮށްފައެވެ.

ދިވެހިރާއްޖޭގެ ރައްޔިތުންނަށް ދީނުގެ އަސާސީ މަޢްލޫމާތާއި ރަނގަޅު ރިފަރެންސް ފޮތް ތައް ފޯރުކޮށްދިނުމުގެ މަޤްޞަދުގައި ކުރެވޭ މަސައްކަތްތަކުގެ ދަށުން އެންމެ ޞައްޙަކަން ބޮޑު ޙަދީޘްފޮތް ޞަޙީޙުލް ބުޚާރީގެ ދިވެހިތަރުޖަމާ ނެރެން ނިންމައިފިއެވެ.

މިއީ ދިވެހިރާއްޖޭގެ ފިގްހު އެކަޑަމީ އެއް ގާއިމް ކުރަން މިނިސްޓްރީ އޮފް އިސްލާމިކް އެފެއަރޒްގެ ފަރާތުން ނިންމި ނިންމެވުމާއި ގުޅިގެން އެފަދަ އެކަޑަމީއެއް ހިންގުމާއި ބެހޭގޮތުންނާއި، އެކަޑަމީގެ މަސައްކަތް ކުރިއަށް ގެންދިއުމާއި ބެހޭގޮތުން އެކުލަވާލެވޭ އުސޫލުތަކެކެވެ.